Activision Blizzard-ի գործադիր տնօրեն Բոբի Կոտիկը ևս մեկ տարով վերընտրվել է տնօրենների խորհրդի կազմում՝ չնայած նրա անվան հետ կապված սկանդալներին: Հիշեցնենք, որ մինչև 2023 թվականի հունիսի վերջը, պետք է ավարտվի Activision Blizzard-ի և Microsoft-ի միաձուլման գործարքը։ Այն գնահատվում է 68,7 միլիարդ դոլար։
Ընկերությունը նաև խոստացել է «մանրակրկիտ դիտարկել» աշխատավայրում ոտնձգությունների դեպքերի վերաբերյալ հանրային զեկույց ստեղծելու առաջարկը, որը նախկինում քվեարկվել էր բաժնետերերի մեծամասնության կողմից: Այնուամենայնիվ, քվեարկությունը պարտադիր չէր, ուստի Activision Blizzard-ը պարտավորված չէ իր որոշմամբ: Միաժամանակ ընկերությունը նախապես խորհուրդ էր տվել իր բաժնետերերին դեմ քվեարկել հաշվետվության պատրաստմանը։
Հիշեցնենք նաև, որ Activision Blizzard-ի տնօրենների խորհուրդը ներքին հետաքննություն է անցկացրել և եկել եզրակացության, որ ընկերության ղեկավարության մակարդակով համակարգային խնդիրներ չկան, իսկ աշխատակիցների բողոքները չեն անտեսվել։