Մարտի 28-ին Suicide Squad: Kill the Justice League-ի թողարկումից գրեթե երկու ամիս անց, Rocksteady Studios-ը հայտնում է առաջին սեզոնը մեկնարկելու մասին։
Խոշոր թարմացումը բաժանվել է երկու դրվագի։ Առաջինը, որը ստացել է «Վախ» անվանումը, արդեն հասանելի է, իսկ երկրորդը՝ «Երկակիություն» անունով, կթողարկվի ավելի ուշ։ Ի թիվս այլ բաների, թարմացման հետ խաղի մեջ հայտնվել են:
- Ջոկերի այլընտրանքային տարբերակը, որն Arkham է ժամանել այլ աշխարհից:
- Մետրոպոլիսի մեկ այլ տարբերակ ևս, որը կարելի է ուսումնասիրել որոշ առաքելությունների ընթացքում:
- Լրացուցիչ Bossfight Բրեյնիաքի հետ:
- Հանդերձանքի հավաքածուներ և զենքեր DC սուպերչարագործներից:
- Պրեմիում և անվճար մարտական անցումներ՝ իրենց պարգևներով:
- Վերանայված բալանսավորում, վերամշակված առաքելություններ և այլն:
Թե երբ կմեկնարկի խաղաշրջանի երկրորդ կեսը, հայտնի չէ։ Հավանաբար դա տեղի կունենա առնվազն մեկ ամիս անց:
Suicide Squad: Kill the Justice League-ը հասանելի է PC-ում, PS5-ում և Xbox Series X|S-ում: Խաղը մամուլից ստացել է խառը և բացասական արձագանքներ, բայց խաղացողներն այն շատ ավելի ջերմ են ընդունել: Warner Bros. Games-ը հայտարարել է, որ խաղը չի արդարացրել իր սպասելիքները: