Ավելի քան երկու ամիսների պայքարից հետո ավարտվել են ESL Challenger League Season 44-ի խաղերն ու հայտնի են դարձել թիմերը, որոնք կմասնակցեն ESL Pro League S18 առաջնությանը՝ հիմնվելով տվյալ խաղերի արդյունքների վրա: Այստեղ հատկանշական է, որ EPL-ի նոր մրցաշրջանն այդքան էլ շուտ չի սկսվելու, ինչն ենթադրել է տալիս, որ խաղերը կարող են տեղի ունենալ արդեն CS2-ի վրա, քանի որ Valve-ը պաշտոնապես տեղեկացրել էր, որ CS:GO-ի դարաշրջանը կավարտվի BLAST.tv Paris Major 2023-ի խաղերով:
ESL Challenger League S44
ESL Challenger League-ը տեղի է ունեցել հունվարից մարտ ընկած ժամանակահատվածում: Խաղերն ընթացել են Եվրոպայի, Հյուսիսային Ամերիկայի և Ասիախաղաղօվկիանոսյան թիմերի համար, որոնք մրցել են տարածաշրջանային լիգաներում՝ բաղձալի EPL S18-ի ուղեգրերի և 50 000 դոլար մրցանակային ֆոնդի մի մասի համար:
Որակավորված թիմերը կմիանան կանոնավոր գործընկեր թիմերին, որոնք երաշխավորված են այս մրցաշարում և կարիք չունեն խաղալու ընտրական մրցաշարեր կամ ապավինելու իրենց ESL համաշխարհային վարկանիշին՝ EPL S18-ին մասնակցելու համար: ESL Pro League-ի հաջորդ՝ 18-րդ սեզոնը նախատեսվում է սկսել օգոստոսի 15-ին և այն կտևի մինչև 2023 թվականի սեպտեմբերի 24-ը: Անցկացման վայրն է Մալթան:
ESL Challenger League S44 Եվրոպա
Եվրոպայի թիմերի շրջանում թեպետ պայքարը թեժ էր, քանի որ մասնակցում էին անվանի թիմեր, սակայն գրանդ եզրափակիչ դուրս եկան Monte և 9INE կազմերը: Այստեղ հաջողությունը ժպտաց Monte թիմին, ովքեր մրցակցին հաղթեցին 3:1 հաշվով:
What a game! What a season!🔥
— MONTE ESPORTS 🇺🇦 (@Monte_Esports) March 26, 2023
We are THE CHAMPIONS! AGAIN AND AGAIN🥇@ESL Challenger 🤞🏻
Showed willpower and character. GG WP brothers @9INEGG 🤝
Now all thoughts are on RMR. We will not let you down! #MonteGang pic.twitter.com/9uQhFaM9ap
ESL Challenger League S44 Հյուսիսային Ամերիկա
Տարածաշրջանում ֆավորիտ թիմն էր MIBR-ը, որոնք էլ երկրորդ անգամ անընդմեջ նվաճում են ESL Challenger NA-ի հաղթական տիտղոսը: Խմբային փուլից սկսած այս կազմը թելադրում էր խաղի կանոնը, առավելությունը պահելով իր ձեռքերում: Եզրափակիչում մրցեցին ATK թիմի հետ ու հաղթեցին 3:0 մաքուր առավելությամբ:
🏆 CAMPEÕES DA ESL CHALLENGER S44 🏆@exitfps | @brnz4n | @Tuurtlecs | @insani | @HEN1 | @nakfps | @bit1 | @tacitusfps
— MADE IN BRAZIL. (@MIBR) March 27, 2023
🇧🇷🇧🇷🇧🇷🇧🇷🇧🇷🇧🇷🇧🇷🇧🇷🇧🇷🇧🇷🇧🇷🇧🇷🇧🇷🇧🇷🇧🇷🇧🇷🇧🇷#SomosMIBR pic.twitter.com/i8yCE9lA9R
ESL Challenger League S44 Ասիա-Խաղաղ օվկիանոս
Նախորդ՝ ESL Challenger League S43-ում հաղթել էր Lynn Vision թիմը և այս սեզոնում նույնպես հաղթեցին նրանք: Գրանդ եզրափակչում թիմը մրցեց Wings Up Gaming-ի հետ ու նվաճեց տարածաշրջանային չեմպիոնությունը 3:0 հաշվով:
YOUR #ESLChallengerLeague ASIA CHAMPIONS! 🔥
— ESEA (@ESEA) March 26, 2023
🏆 @Lynnvision_ 🏆 pic.twitter.com/R8cgKUU4ey