CS:GO-ի ռուս կիբերմարզիկ Աբդուլ degster Հասանովը համեմատականներ է անցկացրել ԱՊՀ-ի և Եվրոպայի թիմերի միջև, անդրադառնալով դրանց մտածելակերպին, ինչպես նաև բացատրել է Team Spirit-ի և OG-ի միջև եղած տարբերությունն ակումբում խաղացողների կազմակերպման և վերաբերմունքի առումով: Degster-ի կարծիքով՝ եվրոպական թիմում նրան առաջին հերթին գնահատում են որպես մարդ, այլ ոչ թե որպես խաղացողի, մինչդեռ ռուսական ակումբներում հակառակն է:
Ես շատ բանի եմ հասել իմ կարիերայում, բայց կար մի զգացողություն, թե ինձ պակասում է մի բան՝ հաղորդակցությունը: Այժմ ես շատ ավելի լավ եմ շփվում թիմակիցների հետ, չնայած իմ նախորդ կազմակերպություններում ամենակարևորն այն էր, թե ինչպես ենք մենք խաղում: OG-ն օգնում է ինձ կատարելագործվել ոչ միայն խաղի մեջ, այլև դրանից դուրս:
Օրինակ, ես ունեմ «փոքր եղբայր»՝ flameZ-ին, ով միշտ պատրաստ է ձեռք մեկնել ու դա հնարավորություն է տալիս ինձ շատ էներգիա ստանալ: Ինձ համար դա իսկապես կարևոր է: Ես նախկինում դա չէի հասկանում, այնպես որ, երբ ինչ-որ մեկն ինձ ասում էր, որ ես չպետք է գոռամ, քանի որ դա ազդում է նրա վրա, ես փորձում էի դա չանել: Մեկ շաբաթ անց, OG-ի իմ մարզիչը մոտեցավ ինձ և ասաց, որ ավելի շատ էներգիա է հարկավոր ինձ:
Հասանովը բացատրել է նաև Team Spirit-ի և OG-ի միջև եղած տարբերությունն ակումբում խաղացողների կազմակերպման և վերաբերմունքի առումով:
Ես կարող եմ ասել, որ Եվրոպայում և ԱՊՀ-ում մարդիկ բոլորովին այլ կերպ են աշխատում: Ես կարող եմ փորձել դա բացատրել, բայց կարծում եմ, որ ամենակարևորն այն է, որ Եվրոպայում մարդիկ ավելի պրոֆեսիոնալ են գործում: Կարծում եմ, որ ԱՊՀ-ում կա կազմակերպությունների շատ փոքր տոկոս, որոնք ավելի շատ գումար են ստանում, քան Եվրոպայում:
Ամեն ինչ այլ կերպ է աշխատում, նույնիսկ այնպիսի բաները, ինչպիսիք են մեդիաօրը և կառավարումը: Երբ ես առաջին անգամ միացա OG-ին, ինձ հետ կապվեցին երեք-չորս հոգի: Նրանք նույնիսկ ավելացրեցին ինձ որպես ընկեր և ասացին, որ ուրախ են հանդիպել ինձ և թիմին միանալու համար: Ես նախկինում երբեք նման բան չեմ տեսել:
Նախկինում degster-ի թիմը պարտվել էր Astralis-ին BLAST Premier: Spring Groups 2023-ի Play-In խաղում: Հանդիպումն ավարտվել է 1:2 հաշվով: OG-ն ելույթ կունենա BLAST Premier: Spring Showdown-ում: Հասանովի կազմի հաջորդ մրցաշարը կլինի IEM Katowice 2023-ը։ Թիմն ելույթը կսկսի Play-In փուլից: