Esports World Cup-ի կազմակերպիչները բացահայտել են միջոցառման ընդհանուր մրցանակային ֆոնդի չափը։ Հայտարարության համաձայն՝ մրցաշարերում կխաղարկվի առնվազն 60 միլիոն դոլար՝ 15 միլիոն դոլարով ավելի, քան 2023 թվականին Gamers8-ում է եղել։
Միջոցառման կազմակերպիչները որոշել են աշխարհի առաջնության ընդհանուր մրցանակային ֆոնդը բաժանել մի քանի մասի։ 20 մլն դոլարը կբաշխվի 16 կիբերսպորտային կազմակերպությունների միջև, որոնք իրենց կազմերը կներկայացնեն մի քանի դիսցիպլինաներում: Մրցումների արդյունքում ամենահաջողակ ակումբը կճանաչվի Esports World Cup-ի աշխարհի առաջին չեմպիոն:
Մնացած մրցանակային ֆոնդը կբաժանվի երեք կարգերի
- ավելի քան 33 մլն դոլար՝ առանձին դիսցիպլինաների ընդհանուր մրցանակային ֆոնդը
- 7.6 մլն դոլար՝ որակավորման մրցանակային ֆոնդը
- 1.1 մլն դոլար՝ հատկացված միջոցներ MVP-առաջնությունների համար (առնվազն 50 հազար դոլար յուրաքանչյուր դիսցիպլինայի համար)
Esports World Cup 2024-ում ներկայացված կլինեն ավելի քան 19 դիսցիպլինաներ, այդ թվում՝ Dota 2, Counter-Strike 2, League of Legends, Apex Legends, StarCraft II և այլն: Առաջնությունը նախատեսված է 2024 թվականի ամռանը, անցկացման վայր է ընտրվել Սաուդյան Արաբիայի Ալ-Ռիադ քաղաքը:
#EsportsWorldCup 2024 prize pool in a nutshell:
— Esports World Cup (@ESWCgg) April 16, 2024
🔷 $30,000,000+ | Game Championships
🔶 $20,000,000 | Club Championship
🔷 $7,600,000 | Qualifiers
🔶 $1,100,000 | MVP Awards pic.twitter.com/LNGa1v8V8e