Telma Vitality-ն առաջին թիմերից մեկն էր, որը կարողացավ փլեյ-օֆֆ դուրս գալ ESL Pro League Season 19-ում: Մրցաշարի ընթացքում ֆրանսիական թիմը հաղթանակներ տարավ Sharks-ի, BetBoom Team-ի և TheMongolZ-ի նկատմամբ, իսկ կազմի առաջատար դիպուկահար Մաթյե ZywOo Էրբոն ավարտեց խմբային փուլը 1.72 անհատական վարկանիշով՝ խաղացված 6 քարտեզների համար:
PGL Major Copenhagen 2024-ից հետո շատերը ֆրանսիացուն քննադատում էին մրցաշարում լավ հանդես չգալու համար։ Կիբերմարզիկն ավարտեց տվյալ առաջնությունը 1.14 անհատական վարկանիշով, ինչը ZywOo-ի ամենավատ ցուցանիշն է եղել վերջին մեկ տարվա ընթացքում:
Հիշեցնենք, որ ESL Pro League Season 19-ը տեղի է ունենում ապրիլի 23-ից մայիսի 12-ը Մալթայում: Մրցաշարի մրցանակային ֆոնդը կազմում է 750 հազար դոլար: Խաղերին հետևեք այստեղ: