NVIDIA ընկերությունը կհայտարարի GeForce RTX 50 շարքի առաջին գրաֆիկական քարտերի մասին 2024 թվականի չորրորդ եռամսյակում: Այս մասին հայտնել են թայվանական UDN պարբերականի աղբյուրները, ինչին ուշադրություն են դարձրել Wccftech պորտալում։
Սկզբնապես ընկերությունը պետք է թողարկի առավել հզոր RTX 5090 և RTX 5080 մոդելները: Ավելի էժան վիդեոքարտերի մասին դեռ տեղեկություններ չկան: NVIDIA-ի գործընկերներն ակնկալում են ավելացնել գրաֆիկական քարտերի մատակարարումները 2024 թվականի վերջին, ինչը ևս մեկ անգամ հաստատում է RTX 5090 և 5080 մոդելների հնարավոր թողարկման մասին: Նաև արտադրական ընկերություններն ակնկալում են գրաֆիկական արագացուցիչների միջին արժեքի աճ։ Հնարավոր է, որ RTX 5090-ի և 5080-ի գինն ավելի բարձր լինի, քան նախորդ մոդելները:
NVIDIA-ն թողարկեց GeForce RTX 3090-ը 2020 թվականի սեպտեմբերին, իսկ RTX 4090-ը՝ 2022-ի հոկտեմբերին: Եթե աղբյուրների տեղեկատվությունը հաստատվի, RTX 5090-ը կթողարկվի երկու տարիների նույն միջին ժամանակահատվածով: